Category: Uncategorised

Allech chi fod yn un o Gyfarwyddwyr Ynni Cymunedol Grannell?

Rydym ni’n chwilio am gyfarwyddwyr sydd ag amrywiaeth o gefndiroedd, profiadau a setiau sgiliau i ymuno â ni. Fyddech chi’n barod i roi o’ch amser a’ch ymroddiad? Ydych chi’n rhannu ein hangerdd ynghylch ynni adnewyddadwy a phrosiectau cymunedol?

Ein cenhadaeth yw helpu canolbarth Cymru i ddatblygu dyfodol ynni glân, lliniaru’r newid yn yr hinsawdd trwy osod dulliau o gynhyrchu ynni adnewyddadwy, a gwneud hynny mewn modd teg trwy ledaenu’r berchnogaeth a’r manteision ar draws y gymuned, yn hytrach na’u crynhoi yn nwylo nifer bychan. Y llynedd gosodwyd tyrbin gwynt 500Kw yn lleol, ac mae bellach yn cynhyrchu ynni glân, gwyrdd, sy’n eiddo i’r gymuned, gyda phopeth sy’n weddill yn cynnal ein cymuned leol.

Rydym ni’n cwrdd dair neu bedair gwaith y flwyddyn, ond yn cynnal cyfarfodydd rheolaidd gyda’r hwyr ar ffurf galwadau cynadledda. Ar ben hynny, gall cyfarwyddwyr fod yn anffurfiol gyfrifol am gadw llygad ar feysydd lle mae ganddynt arbenigedd.

Mae yna restr o’r cyfarwyddwyr cyfredol yma, mwy ar y tyrbin yma, a’r ddogfen cyfranddaliad blaenorol yma.

Rydym ni’n arbennig o awyddus i recriwtio pobl sydd â phrofiad cymunedol, ynni adnewyddadwy, cyfreithiol, ariannol, a busnes a marchnata, ond mae rolau eraill ar gael yn ogystal.

Hefyd gallwch anfon CV, yn cynnwys enwau dau ganolwr, a gair byr yn egluro eich diddordeb, at y Cyfarwyddwyr yn info@grannellcommunity.coop.org

Neu drwy’r post at Ynni Cymunedol Grannell, Pandy, Cribyn, Llanbedr-pont-steffan SA48 7QH

Mae Ynni Cymunedol Grannell yn falch o gyhoeddi eu bod yn cynnig cystadleuaeth i roi cyfle i chi ennill gwerth £250 o gyfranddaliadau yn ei dyrbin gwynt.

Bydd unrhyw un sy’n prynu cyfranddaliadau yn dod yn aelod o’r prosiect cymunedol ac yn dod yn rhan-berchennog yn y tyrbin gwynt. Drwy wneud hynny, bydd aelodau’n helpu i atal newid yn yr hinsawdd a gallant ddisgwyl dychweliad o tua 5% ar eu buddsoddiad dros oes y prosiect. Nawr, mae cyfle i un person arbennig gynyddu eu buddsoddiad cychwynnol gyda hwb o £250 o gyfranddaliadau pellach.

Y cyfan sydd raid i chi ei wneud i ennill yw mynd i’r wefan www.grannellcoop.org.uk a chofrestru i fod yn aelod, gallwch brynu lleiafswm o £250 o gyfranddaliadau os ydych yn byw tu allan i Geredigion, neu lleiafswm o £100 os ydych yn lleol i’r prosiect.

Unwaith y byddwch chi wedi ymuno, anfonir linc i ffurflen gystadleuaeth ar-lein i chi, rhaid i chi ateb un cwestiwn syml, cwblhau brawddeg yn eich geiriau eich hun, a rhoi gwybod sut wnaethoch chi glywed amdanom ni, i fod a chyfle i ennill y cyfranddaliadau ychwanegol. Felly peidiwch ag oedi. Bydd y cynnig yma ar gael i aelodau presennol a phobl newydd sy’n dod yn aelodau rhwng nawr a 30 Tachwedd 2018 yn unig gan Grannell.

Beth am roi cyfle i’ch ffrindiau a’ch teulu i ennill? Os ydych chi’n prynu cyfranddaliadau ar gyfer plentyn, rhiant neu ffrind, cewch gyfle arall i fod yn rhan o’r gystadleuaeth, ar eich cyfer chi neu ar eu cyfer nhw. Os ydynt yn prynu cyfranddaliadau eu hunain, gallant hefyd fod yn rhan o’r gystadleuaeth. Felly, lledaenwch y neges, gan na fyddwn yn ymestyn y dyddiadau ar y gystadleuaeth hon!

Meddai Cadeirydd Ynni Cymunedol Grannell, Leila Kiersch: “Rydyn ni’n gwybod ein bod yn gofyn i chi ymuno â ni a gwneud buddsoddiad i fod yn rhan o’r gystadleuaeth hefyd, ond ni allwn dalu i adeiladu’r tyrbin gwynt neu gynnig cyfranddaliadau os nag oes gennym ddigon o aelodau. Yn ôl ein rhagamcaniadau cynnig cyfranddaliadau, mae pob aelod i fod i gael eu buddsoddiad yn ôl a dychwelyd bach arno hefyd, nid yr enillydd yn unig!”

Ychwanegodd: “O ran Grannell, dim ond ychydig o bobl ofalgar sy’n dilyn yn ôl troed nifer o brosiectau ynni cymunedol eraill. Rydym yn gymdeithas fudd-dal, nid er elw cofrestredig, gyda Bwrdd Cyfarwyddwyr gwirfoddol a dim staff cyflogedig.”

Am delerau ac amodau llawn, ewch i’n gwefan https://grannellcoop.org.uk/win-extra-shares/

Cefnogir Ynni Cymunedol Grannell gan Sharenergy, Amwythig. Mae Sharenergy wedi cynorthwyo dros 30 o brosiectau ynni cymunedol ar draws y DU, a defnyddir eu profiad helaeth ar y prosiect yma.

Yn ychwanegol, cefnogir y prosiect gan Wasanaeth Ynni Llywodraeth Cymru, sy’n cefnogi sectorau ynni cyhoeddus a chymunedol yng Nghymru i ddatblygu prosiectau ynni a phrosiectau ynni adnewyddadwy.